Plantun de Prouvènço

Pèr coumpara dos planto d'encò nostre

Solidago gigantea & Stellaria nemorum subsp. montana

Solidago gigantea

Asteraceae Compositae

Noms en français : Verge d'or, Solidage géant.

Descripcioun :
Grando planto renadivo que s'arremarco emé si flour en plumacho jaune proun longo. Li flour coumpausado soun tóuti dóu meme coustat di ramo. Li fueio soun longo, estrecho e simplo. S. canadensis, que se rescontre gaire, a de flour mai pichoto e de fueio bourrihudo.

Usanço :
La bensipouneto-de-la-grosso es uno planto que nous vèn de l'Americo dóu Nord. Es emplegado (flour e fueio) pèr sougna li mau de garganto, lou tussi e la brouchito. Ei peréu vertuouso contro li plago, la fouiro e subretout li problèmo de ren. S'emplego en sirop e tisano.

Port : Grando erbo
Taio : Pancaro entresigna
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Solidago
Famiho : Asteraceae
Famiho classico : Compositae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : Mesoumediterran à
Couroulougi : Pancaro entresigna
Ref. sc. : Solidago gigantea Aiton, 1789

Esteleto(-de-mountagno)

Stellaria nemorum subsp. montana

Caryophyllaceae

Nom en français : Stellaire à graines barbues.

Descripcioun :
L'esteleto-de-mountagno trachis dins li bos fres. Sèmblo un mourihoun en mai grand (petalo mai longo que sepalo) ; coume éu la tijo èi roundinello, mai eici èi peludo. Li fueio de la baso soun en cor emé un long pecou au contro di bratèio qu'embrasson quàsi la cambo. Dins la subsp. nemorum li bratèio en formo de fueio soun de mai en mai pichoto à flour e mesuro que mountas dins la planto, alor qu'eici tre li segoundo s'atrovon èstre tóuti pichoto. Apoundèn que li fueio soun eici mai verdo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.

Port : Erbo
Taio : 20 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 15 à 20 mm
Flourido : Printèms - Estiéu

Sòu : Ca (Si)
Autour basso e auto : 400 à 2200 m
Aparado : Noun
Jun à avoust

Liò : Bos fres - Prado à rousèu - Prado umido
Estànci : Mountagnard à Subaupen
Couroulougi : Éurosiberiano
Ref. sc. : Stellaria nemorum subsp. montana (Pierrat) Berher, 1887

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Solidago gigantea & Stellaria nemorum subsp. montana

Coumpara Bensipouneto(-de-la-grosso) emé uno autro planto

Coumpara Esteleto(-de-mountagno) emé uno autro planto